ЗЛЁТ ПЕРАДАВІКОЎ
ЗЛЁТ ПЕРАДАВІКОЎ
У мінулую суботу ў раёне прайшоў традыцыйны злёт перадавікоў народнай гаспадаркі, падчас якога былі падведзены вынікі за мінулы год ва ўсіх сферах дзейнасці і ўшанаваны лепшыя працаўнікі.
Напачатку хочацца адзначыць, што сёлетні год, як і мінулы, праходзіць пад знакам малой радзімы. Таму сімвалічна, што на ўрачыстасць завіталі знакамітыя ўраджэнцы Прыдруцкага краю: старшыня Дзяржпагранкамітэта Беларусі генерал-маёр Анатоль ЛАПО, намеснік старшыні абласной арганізацыі ГА “Беларускі саюз жанчын”, ганаровы грамадзянін Бялыніцкага раёна Раіса ЛЫЧКОЎСКАЯ, дырэктар Магілёўскага абласнога метадычнага цэнтра народнай творчасці і культурна-асветніцкай работы Алег ХМЯЛЬКОЎ.
Свае віншаванні перадавікам раёна, усім прысутным на злёце, а таксама з нагоды Дня абаронцаў Айчыны – усім мужчынам адрасаваў старшыня Дзяржпагранкамітэта Беларусі генерал-маёр Анатоль ЛАПО. Ён уручыў падзяку дырэктару ДУА “Шматрофільны цэнтр “Ветразь” г. Бялынічы” Іне ВІННІКАВАЙ, за актыўную работу па грамадска-патрыятычным выхаванні маладога пакалення.
Таксама старшыня РА ГА “Беларускі фонд Міру” Таццяна МЯКШЫНА ўручыла грамату і грашовую прэмію педагогу дадатковай адукацыі Яніне РУЦКАЙ.
Інфармацыя з сайта
http://belynichi.gov.by/news/region/3562.html
